قلبها ماهو على العالم زعول
قلبها ماهو على العالم زعول
من بياض القلب تنسى وش حصل
طاحت الدمعه على الخد الخجول
اه من منضر بكاها والكحل
عينها كانت مع البسمه تقول
(وين ميزان المحبه والعدل )
قلبها ماهو على العالم زعول
من بياض القلب تنسى وش حصل
مايهمها امر حاقد او عذول
عاليه مثل البدر لما كمل
تلهم الشاعر اذا صابه خمول
با لقصيد الممتنع ولا السهل
لا حكت تدهش ثقافتها العقول
ولا ضحكت طار الفكر قبل العقل
من شفاها يطلع الحكي معسول
كل كلمه منها تنقط عسل
صوت نبض القلب او قرع الطبول
حركت جيش المشاعر و نفعل
حاصرتني صابني منها ذهول
وخيرتني بالاسر والا القتل
قيدتي بسلاسل والقفول
وعزلتني في هذاك المعتقل
وبتديت ابحث وادور لي حلول
لسلام والتسامح والوصل
وأبتداء ليل الشتاء عمره يطول
قلت ابشعل للفرج شمعة امل
اسمع اصوات الرعد قبل السيول
وادعي الله بإستجابه في عجل
ينفتح كل باب ممنوع الدخول
والقى لي بقلبها دايم محل
الله يسعد من لها بقلبي قبول
من اداريها مدارات الطف